1. Бош сахифа
2. Янгиликлар

АЁЛ БАХТЛИ БЎЛСА, ЖАМИЯТ БАХТЛИ БЎЛАДИ

×

Вилоят ҳокимининг 2022 йил 19 февраль кунги “Хотин-қизларни эъзозлаш ҳафталиги”га тайёргарлик кўриш ва уни юқори савияда ўтказиш чора-тадбирлари тўғрисида”ги 55/01-49 сонли йиғилиш баёни ижросини таъминлапш мақсадида, барча шаҳар туманларда ишчи гуруҳ таркиби ҳамда 2022 йилнинг 3-10 март кунлари “Аёлни эъзозлаш – эзгулик ва адолат мезони” деган бош ғояни ўзида мужассам этган “Хотин-қизларни эъзозлаш ҳафталиги”ни ўтказиш бўйича чора-тадбирлар дастури ижросини таъминлаш мақсадида Қўштепа туманида тадбир ўтказилди.

“Аёл бахтли бўлса, жамият бахтли бўлади” шиори остида ўтказилган маънавий-маърифий тадбирда сектор раҳбарлари, турли соҳаларда фаолият юритган меҳнат фахрийлари, “Аёллар дафтари”га ҳисобга олинган ижтимоий оғир шароитдаги хотин-қизлар, бугунги кунда жамиятмизда фаол иштирок этаётган аёллар ҳамда уй бекалари иштирок этдилар.

Тадбирда сумалак сайли, фольклор аёллар чиқишлари, тадбиркор аёлларнинг турли йўналишдаги кўргазмалари ҳамда спорт мусобақалари ташкил этилди.

Тадбирга Республика ишчи гуруҳи аъзолари ҳам ташриф буюришди. Республика Маънавият ва маърифат маркази ходими Пардахол Норқобилова аёлларимиз билан бўлган суҳбат давомида, бугунги кунда уларнинг кайфияти, давлатимиздан розиликлари ҳамда куни кеча муҳтарам Президентимиз томонидан қабул қилинган фармон ва қарорларга, қолаверса хотин-қизларга яратилган шарт-шароитлар, берилаётган имкониятларга алоҳида тўхталиб ўтди.

Тадбир сўнгида бир гуруҳ аёлларимизга туман ҳокими ва сектор раҳбарлари ҳамда ҳомийлар томонидан тайёрланган совғалар берилди.

Бизни ижтимоий тармоқларда кузатинг
Facebook, Telegram