Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
BAYRAM TADBIRI O’TKAZILDI
2021-12-07 20:17:51 89
O’zbekiston Respublikasining Konstitutsiyasi xalqimiz siyosiy-huquqiy tafakkurining yuksak namunasidir. U hech kimga qaram bo‘lmasdan, erkin va ozod, tinch va osoyishta, farovon yashashning qonuniy kafolati bo‘lib kelmoqda. Mustaqil taraqqiyot yillarida Konstitutsiyamiz yurtimizda huquqiy demokratik davlat, kuchli fuqarolik jamiyati, erkin bozor munosabatlari va xususiy mulk ustuvorligiga asoslangan iqtisodiyotni qurish, xalqimiz uchun tinch, obod va farovon hayot barpo etish, O’zbekistonning xalqaro maydonda munosib o‘rin egallashida mustahkam poydevor bo‘lib xizmat qilmoqda. Ushbu tantanali bayram tumanimiz bo‘ylab barcha o‘quv dargohlari, tashkilot va muassasalarda keng nishonlanmoqda.
Qo‘shtepa tumani Maktagacha ta’lim bo‘limiga qarashli bo‘lgan 40-sonli Maktabgacha ta’lim tashkilotida O’zbekiston Respublikasi Konstitutsiyasining 29 yillik bayrami munosabati bilan “Konstitutsiya baxtimiz qomusi” shiori ostida tantanali bayram tadbiri o‘tkazildi.
Mazkur bayram tadbiriga muassasa tarbiyalanuvchilarining ota-onalari, mahalla fuqarolar yig‘ini vakillari hamda hududdagi umumta’lim maktabi o‘qituvchilari taklif etildi.
Tadbir davomida muassasa tarbiyalanuvchilarining konstitutsiya va vatan haqida aytilgan she’rlari, shuningdek, musiqiy chiqishlari barchaga ko‘tarinki ruh bag‘ishladi.