Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
KONSTITUTSIYA – BAXTIMIZ QOMUSI
2021-12-07 14:27:20 104
Bu yil O’zbekiston Respublikasi Konstitutsiyasining 29 yilligi barcha hududlarda keng nishonlanmoqda.
Bugun Qo‘shtepa tumanidagi Madaniyat markazida sana munosabati bilan tuman hokimligi tomonidan bayram dasturi o‘tkazildi.
Tadbir avvalida davlatimiz madhiyasi yangradi. So‘ngra tuman hokimi I.Novikov barchani qutlug‘ bayram bilan muborakbod etib, konstitutsiyamizning tarixi va bugungi kundagi o‘rni va ahamiyati hamda so‘ngi yillarda mamlakatimizda amalga oshirilayotgan islohotlar, ularning mazmuni haqida to‘xtalib o‘tdi.
Tadbirda tuman prokurori M.Shomurodov ham so‘z olib, Konstitutsiyamizning yaratilish tarixi, uning demokratik huquqiy davlat barpo etish va inson manfaatlarini ta’minlashdagi ahamiyati, Bosh qomusimizning xalqchilligi, xalqaro huquq normalariga mosligi haqida ma’lumot berdi.
Shundan so‘ng, sana munosabati bilan tayyorlangan kontsert dasturi namoyish etildi. Iqtidorli o‘quvchilar va Madaniyat markazining xushovoz xonandalarining musiqiy chiqishlari barchaga ko‘taringki kayfiyat bag‘ishladi.
Bayram tadbirlari tumanimizning barcha hududlarida ko‘tarinki ruhda o‘tkazilmoqda.
