Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
QO’SHTEPA TUMANIDA NOGIRONLAR KUNI MUNOSIB NISHONLANDI
2021-12-01 16:01:32 129
BMT tashkiloti tomonidan 3 dekabr – Xalqaro nogironlar kuni, deb e’lon qilingan. Ushbu sana butun dunyo bo‘ylab keng nishonlanadi va bundan asosiy maqsad aqlan va jismonan nuqsoni bor zamondoshlarimizni har tomonlama qo‘llab-quvvatlashdan iboratdir.
Bugun tumanimizda Xalqaro nogironlar kuni keng nishonlanib, ushbu sana munosabati bilan Langar mahallasidagi “Fayzu baraka” marosimlar o‘tkazish majmuasida tadbir o‘tkazildi.
Tadbirga tumandagi nogironligi bo‘lgan insonlar taklif etilib, ularga bayram dasturxoni yozildi.
Tadbirning ochilish marosimida Qo‘shtepa tumani hokimi I.Novikov so‘zga chiqib, yurtimizda hech kim e’tibordan chetda qolmasligi, ayniqsa, jismoniy cheklangan shaxslar davlatimiz tomonidan har taraflama qo‘llab-quvvatlanayotganligi, bu borada tumanda faoliyat yuritayotgan nodavlat notijorat tashkilotlari ham chetda qolishmayotganligi haqida ta’kidlab o‘tdi.
Shundan so‘ng tadbir mehmonlariga tuman hokimligi, sektor rahbarlari ishtirokida homiylarning sovg‘alari topshirildi.
Tadbirda tuman madaniyat bo‘limi san’atkorlari tomonidan kuylangan kuy-qo‘shiqlar, imkonyati cheklanganlar tomonidan ijro etilgan raqslar ularning kayfiyatini ko‘tarishga va hayotga bo‘lgan ishtiyoqini oshirishga xizmat qiladi.