Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“YOSHLAR DAFTARI”DA RO’YXATDA TURUVCHI YOSHLARGA MEHNAT QUROLLARI TOPSHIRILDI
2021-10-19 18:39:59 191
Yoshlarni vatanparvarlik ruhida tarbiyalash, ularni ona yurtga sadoqat, mard va jasur qilib kamolga yetkazish bugunning ustuvor vazifalaridan biri hisoblanadi.
Shu bois, bu boradagi targ’ibot va tashviqot ishlarini jadallashtirish o’zining ijobiy samarasini beradi.
Xususan, yoshlarning bandligini ta'minlash, ularni tadbirkorlikka jalb etish, ayniqsa “Yoshlar daftari” ro’yxatidagi yigit-qizlarning hayotda munosib o’rin topishlariga ko’maklashish muhim masala hisoblanadi.
Bugun Qo’shtepa tumanidagi “Yoshlar daftari”da ro’yxatda turuvchi yoshlarga o’z-o’zini band qilishi uchun subsidiya asosida asbob-uskunalar hamda mehnat qurollari topshirildi.
Bo’lib o’tgan tadbirda sektor rahbarlari hamda DXX Marg’ilon shahar bo’limi boshlig’i Sh.Xatamovlar ishtirok etdilar.
Tadbirni tuman hokimi I.Novikov ochib, mamlakatimizda “Yoshlar daftari”ning yuritilishi har bir o’g’il-qiz taqdiri davlatimiz nazoratida, e'tiborida ekanligidan dalolatligini ta'kidlab o’tdi.
Tadbir davomida yoshlarga mehnat qurollari, saylovlarda g’oliblikni qo’lga kiritgan o’quvchilarga “Yoshlar ittifoqi” sardori ko’krak nishonlari hamda maxsus kiyim boshlar topshirildi.
Qo’shtepa tumani hokimligi Axborot xizmati.
