Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
SAYLOV-2021
2021-09-25 11:59:31 65
MENING ILK OVOZIM
Yoshim oʼn sakkizda. Birinchi ovoz berishim boʼlajak Prezident uchun boʼlishini oʼylasam, hozirdan hayajonlanyapman. Demak, yurtimizning kelgusi besh yillikdagi taraqqiyotini belgilovchi bu muhim siyosiy tadbirda mening ham oʼz ovozim boʼladi!
Saylovga daxldorligim munosabati bilan televidenie, ijtimoiy tarmoqlarda mavjud beshta partiya qoʼygan nomzodlar, ularning dasturlari haqidagi chiqishlarni diqqat bilan kuzatib boryapman. Birinchi ovoz beradigan doʼstlarim ham shunday. Nomzodlar haqida fikrlashamiz, baʼzan tortishamiz ham. Bu borada har kim oʼz fikriga ega boʼlishi kerak-da.
Saylov oʼtadigan 24 oktyabar kuni oʼzimizning uchastkamizga borib, ovoz berish kabinasiga kirganimizda, el-yurt "yuki"ni koʼtarishga qodir insonni tanlab ovoz berishimiz, Oʼzbekistonimizning bundan keying besh yilligi taqdirini belgilashini unutmasligimiz kerakligini his qilib turibman. Ishonchim komilki, hamqishloqlarimiz saylovda faol ishtirok etadilar.
Jahongir RASULXOʼJAEV,
1-kasb-hunar maktabi talabasi.