Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
TEZ TIBBIY YORDAM SHAHOBCHASI FOYDALANISHGA TOPSHIRILDI
2021-08-30 15:14:19 196
Respublikamizda bo’lgani kabi Qo’shtepa tumanida ham keyingi yillarda aholiga tibbiy xizmat ko’rsatish, tez tibbiy yordam stantsiya va shahobchalarini barpo etish, ularni yetuk kadrlar bilan ta'minlash borasida salmoqli ishlar amalga oshirilmoqda.
Birlamchi tibbiyot muassasalarini maqbullashtirish va ularning moddiy-texnik bazasini mustahkamlashga e'tibor kuchaytirildi. Jumladan, Do’rmon qishloq vrachlik punkti binosi yaroqsiz holatda edi. “Obod qishloq” davlat dasturi bo’yicha ushbu bino mukammal ta'mirlandi,
Ushbu jarayon uchun 565 million so’m mablag’ sarflanib, qurilish ta'mirlash ishlari “Tabassum So’x savdo” xususiy korxonasi tomonidan olib borildi.
Bugun zamonaviy ko’rinishga ega bo’lgan bu majmua “Do’rmon” qishlog’ining ko’rkiga ko’rk qo’shmoqda.
Mukammal ta'mirlangan ushbu binoda tuman tibbiyot birlashmasi ko’p tarmoqli markaziy poliklinikasiga qarashli Do’rmon tez tibbiy yordam shahobchasi o’z faoliyatini boshladi.
Bo’lib o’tgan tadbirda tuman hokimi I.Novikov va sektor rahbarlari, shuningdek, tibbiyot xodimlari, mahalla faollari va nuroniylari ishtirok etdilar.
Qo’shtepa tumani hokimligi