1. Bosh sahifa
2. Yangiliklar

XALQARO KO’RIK TANLOV G’OLIBLARI

×

Hayotda qobiliyatsiz o’g’il-qizning o’zi yo’q, deydilar. Haq gap. Zero, bola murg’akligidanoq biror bir foydali mashg’ulotga jalb etilsa, qiziqish va intilishlari to’g’ri yo’naltirib borilsa, vaqt o’tishi bilan u iste'dodga, iste'dod esa iqtidorga aylanishi, shubhasiz.

Qo’shtepa tumanidagi 15-sonli bolalar musiqa va san'at maktabida ham iste'dodli va iqtidorli o’quvchilar tahsil olishadi. Joriy yilning mart oyida Rossiya Federatsiyasining Moskva shahrida o’tkazilgan “Talant shou” nomli xalqaro onlayn ko’rik tanlovida 15-sonli bolalar musiqa va san'at maktabi o’quvchilari ham ishtirok etishdi. Turli davlatlardan qatnashgan ishtirokchilar orasida 4 nafar o’quvchi g’olib deb topilib, faxrli I darajali diplom bilan taqdirlandi.

G’olib o’quvchilardan biri Gulsanam Sheraliyeva musiqa maktabining Xalq cholg’u bo’limi qashqar rubobi yo’nalishining 5-sinfi o’qiydi. U nafaqat bitta balki, Moskva shahrida o’tkazilgan “Talant shou” va “Raduga talantov” xalqaro onlayn ko’rik tanlovining I darajali diplomni qo’lga kiritdi.

– Gulsanam Sheraliyeva eng iqtidorli o’quvchilarimizdan biri – deydi ustozi Abdurashid Umarxadjayev. – Gulsanamdan umidimiz judda katta, bu yutuqlarning albatta davomi bo’ladi.

  Musiqa maktabining o’quvchilaridan fortepiano sinfi o’quvchisi Azamat Radjapov, Ananaviy cholg’u doira sinfi o’quvchisi Abror Jiyanboyev, Damli va zarbli cholg’u sinfi o’quvchisi Ilyos Muxtorovlar ham “Talant shou” nomli xalqaro onlayn ko’rik tanlovida qatnashib faxrli I darajali diplom bilan taqdirlandilar.

Albatta bu yutuqlar o’z-o’zidan bo’lamaydi. Uning ortida tinimsiz mehnat va izlanishlar yotadi. Qo’shtepalik yoshlarimizni erishgan g’alabalari bilan ustozlari Rasuljon Tojiboyev, Abdurashid Umarxadjayev, Shukurillo Tursunov, Mirazim Boyyigitov, Go’zal Karimovalarni ham muborakbod etamiz. Chunki bu g’alaba ortida shu ustozlarning beminnat mehnatlari bor.

Qo’shtepa tumani hokimligi Axborot xizmati.

Bizni ijtimoiy tarmoqlarda kuzating
Facebook, Telegram