Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
FESTIVAL DOIRASIDAGI TADBIRLAR DAVOM ETMOQDA
2021-05-20 22:27:08 116
Qo’shtepa tumanidagi maktabgacha ta'lim tashkilotlari tarbiyachi-pedagoglari o’rtasida “Onalarga ehtirom” festivali doirasida “Eng yaxshi alla ijrosi” deb nomlagan ko’rik tanlov bo’lib o’tdi.
Tanlov tumandagi 37 ta davlat maktabgacha ta'lim tashkilotlari tarbiyachi-pedagoglari o’rtasida o’tkazilib, hududlardan saralab olingan 10 nafar ishtirokchilar tuman bosqichida ishtirok etdilar.
Tadbirda tuman hokimi I.Novikov, tuman hokimining maslahatchisi M.Mo’ydinova, Respublika ma'naviyat va ma'rifat markazi tuman bo’linmasi rahbari N.Otabekov, maktabgacha ta'lim bo’limi mudiri I.Maxmudovalar ham qatnashdilar.
Tanlov “Eng yaxshi alla ijrochisi” va “Bir kunlik onaning yumushi” shartlari bo’yicha o’tkazildi. Ishtirokchilar tomonidan ijro etilgan ajoyib alla qo’shig’i, onaning bir kunlik ish faoliyatini tasvirlovchi sahna ko’rinishlari namoyish etildi. Tanlov davomida 5, 13, 31, 32, 33-sonli maktabgacha ta'lim tashkiloti ishtirokchilari tomonidan ijro etilgan alla qo’shiqlari barcha tomoshabinlar qalbini larzaga solgan bo’lsa, 22 va 36-maktabgacha ta'lim tashkilotlari tomonidan namoyish etilgan onaning bir kunlik yumushlarini ifodalovchi sahna ko’rinishlari ona qadri qanchalar yuksakligini ko’rsatib berdi.
Tanlovda faxrli 1-o’rin 31-maktabgacha ta'lim tashkiloti tarbiyachisi M.Yunusovaga, 2-o’rin 5-maktabgacha ta'lim tashkiloti tarbiyachisi O’.Muxammedovaga va 3-o’rin 13-maktabgacha ta'lim tashkiloti tarbiyachisi N.Ergashevalarga nasib etdi. G’oliblar tuman hokimligi va maktabgacha ta'lim bo’limining diplom va esdalik sovg’alari bilan taqdirlandilar.
Qo’shtepa tumani hokimligi Axborot xizmati.
