1. Bosh sahifa
2. Yangiliklar

NAVBATDAGI SAYYOR QABUL O’TKAZILDI

×

Qo’shtepa tumani hokimi, 1-sektor rahbari I.Novikov aholining turli qatlamlari bilan to’g’ridan-to’g’ri muloqotni kengaytirish, mavjud dolzarb muammolarni aniqlash, ularni bevosita joyida bartaraf etish yuzasidan mahallalarda sayyor qabul o’tkazib kelmoqda. Bu galgi sayyor qabul Soybo’yi mahalla fuqarolar yig’inida bo’lib o’tdi. Unda tuman Xalq qabulxonasi mudiri R.Abdullayev, mutasaddi tashkilot va davlat idoralari rahbarlari, hamda  murojaatchilar ishtirok etishdi. 

Qabul davomida 10 nafardan ziyod fuqarolar tadbirkorlik faoliyati bilan shug’ullanish uchun yer ajratish, ichimlik suvi ta'minotini yaxshilash, bandlik va shu kabi boshqa mummolari bilan murojaat qilishdi.

Sektor rahbari barcha   murojaatlar yuzasidan har bir soha rahbariga muammoni o’rganib, qonuniy va ijobiy hal qilinishini ta'minlash bo’yicha topshiriq berdi. Har bir murojaatni o’z nazoratiga oldi.

Qo’shtepa tumani hokimligi Axborot xizmati.

Bizni ijtimoiy tarmoqlarda kuzating
Facebook, Telegram