Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“KITOBXONLIK HAFTALIGI”: IJODIY UCHRASHUV
![](https://qoshtepa.uz/uploads/bot/4dbb942276a11ac2c5ad7.jpg)
2021-04-09 13:21:07 110
![](https://telegra.ph/file/4dbb942276a11ac2c5ad7.jpg)
Yurtimiz bo’ylab davom etayotgan “Kitobxonlik haftaligi”da qo’shtepaliklar ham faol ishtirok etmoqdalar. Axborot-kutubxona markazi xodimlari tomonidan boshlangan mazkur haftalik tumanimiz bo’ylab keng quloch yozdi.
Navbatdagi tadbir Axborot-kutubxona markazi xodimlari va 20-umumiy o’rta ta'lim maktabi bilan hamkorlikda o’tkazildi. Maktabning 5-6 sinflari o’rtasida tashkil etilgan ijodiy uchrashuvda shoira Faridaxon Yunusovaning “Baxt sog’inchi” nomli ilk she'riy to’plamining taqdimoti bo’ldi.
![](https://telegra.ph/file/de77cf95ac218fdb6aad7.jpg)
Ijodiy uchrashuv davomida Axborot-kutubxona markazining axborot-bibliografiya bo’limi rahbari Mahbubaxon Xoshimova so’z olib, yig’ilganlarga yurtimiz bo’ylab davom etayotgan “Kitobxonlik haftaligi” va uning ahamiyati haqida gapirib, qo’shtepalik shoira Faridaxon Yunusovani tanishtirdi.
![](https://telegra.ph/file/a2e43d8fa66893f78fd22.jpg)
Tadbir davomida Faridaxon Yunusova “Baxt sog’inchi” nomli kitobi va uning yaratilish tarixi haqida o’quvchilarga so’zlab, kitobidan joy olgan she'rlaridan o’qib berdi.
![](https://telegra.ph/file/abe4fde7728bb76634661.jpg)
Ijodiy uchrashuv savol-javoblarga va taassurotlarga boy tarzda o’tdi. Kechada o’quvchilardan Ruhshona Rustamova, Mohlaroy To’lqinovalar ham o’zlari yozgan she'rlaridan o’qib berdilar.
Qo’shtepa tumani hokimligi Axborot xizmati.