1. Bosh sahifa
2. Yangiliklar

Navbatdagi fuqarolar qabuli

×

Prezidentimiz Sh.M.Mirziyoyev “Xalq ichiga kirib borib, odamlar bilan muloqot qilish inson manfatlarini ta'minlashning muhim omilidir”, degan edilar.

Shunday ekan, har bir rahbar – fuqarolar murojaatini tinglab, unga yechim topish borasida faoliyat olib borishi lozim. Jumladan, bugun Qo’shtepa tumani hokimi I.Novikovning navbatdagi fuqarolar qabuli ham shu maqsadda o’tkazildi. 

Tuman Xalq qabulxonasida bo’lib o’tgan qabulda hokim o’rinbosarlari, tuman Xalq qabulxonasi mudiri R.Abdullayev hamda aloqador idora va tashkilotlar rahbarlari ishtirok etdilar.

Unda 100 nafardan ziyod jismoniy va yuridik shaxslar bevosita tuman hokimiga murojaat qildilar. Qabulda hokim fuqarolar bilan yuzma-yuz suhbatlashib, murojaatlarini birma-bir tingladi.

Ochiq va samimiy muloqot tarzida kechgan qabulda murojaatlarning aksariyati uy-joy, moddiy yordam, bandlik, kredit olishga ko’maklashish, tadbirkorlik va shu kabi boshqa kabi muammolarga oid bo’ldi. 

Qabul davomida tuman hokimiga qilingan murojaatlarni belgilangan muddatlarda o’rganib, chora ko’rish uchun tegishli tashkilot va idoralarga yuborilib, ijrosi nazoratga olindi.

Qabulda bazi fuqarolar o’zlarini qiziqtirgan savollarga joyida javoblar olishdi. Joylarda uchrayotgan ayrim muammolar atroflicha muhokama qilinib, tegishli mutasaddi tashkilot rahbarlariga aniq vazifalar yuklatildi.

Qo’shtepa tumani hokimligi Axborot xizmati.

Bizni ijtimoiy tarmoqlarda kuzating
Facebook, Telegram