1. Bosh sahifa
2. Yangiliklar

SARDORLAR SARALANDI (FOTO)

×

O’zbekiston yoshlar ittifoqi Qo’shtepa tuman Kengashi, tuman hokimligi, tuman madaniyat bo’limi bilan hamkorligda «Eng namunali sardorlar Kengashi» ko’rik-tanlovining tuman bosqichi o’tkazildi.

Mazkur ko’rik-tanlovda hududiy bosqichlarda g’oliblikni qo’lga kiritgan 6 ta jamoa qatnashdi. Tadbirni tuman hokimi o’rinbosari A.Yusupov ochib berdi va sardorlarga omad tiladi. Shundan so’ng jamoalar 3 ta shart bo’yicha tashkil etilgan bellashuvda qizg’in bahs olib bordilar.

Shartlar yakuni bo’yicha 43-umumiy o’rta ta'lim maktabi jamoasi faxrli 1-o’rinni egalladi. 40-umumiy o’rta ta'lim maktabi 2-o’rinni, 11-umumta'lim maktabi jamoasi esa 3-o’rinni qo’lga kiritdi.

Ko’rik-tanlov yakunida ishtirok etgan jamoalar O’zbekiston yoshlar ittifoqi Qo’shtepa tuman Kengashining diplom va esdalik sovg’asi bilan taqdirlandi. 

Tanlov so’ngi haqiqiy sardorlarga xos bo’lib, bayramona kuy qo’shiq va raqslarga ulanib ketdi.

Qo’shtepa tumani hokimligi Axborot xizmati.

Bizni ijtimoiy tarmoqlarda kuzating
Facebook, Telegram