1. Bosh sahifa
2. Yangiliklar

TUMAN HOKIMINING QARORI

×

2021 yil «11» yanvar                 № 03                             Langar qishlog’i

Tuman hududidagi barcha davlat tasarrufidagi  va shaxsiy avtomototransportlar,  tirkamalar va  yarim tirkamalarni 2020 yilgi majburiy texnik ko’rikdan o’tkazish to’g’risida

O’zbekiston Respublikasi “Yo’l harakati xavfsizligi to’g’risida”gi qonuniga muvofiq (O’zbekiston Respublikasi Qonun hujjatlari to’plami. 2013 y. 15-son 197-modda), O’zbekiston Respublikasi Vazirlar Maxkamasining 2003 yil 31-yanvardagi “Transport vositalarini majburiy texnik ko’rikdan o’tkazish tartibi to’g’risidagi Nizomni tasdiqlash xaqida”gi 54-sonli qarori (O’zbekiston Respublikasi Qonun hujjatlari to’plami, 2013 y. 1-2-son 17-modda) va O’zbekiston Respublikasi Vazirlar Maxkamasining 2017 yil 22-dekabrdagi “Transport vositalarini majburiy texnik ko’rikdan o’tkazish tartibini takomillashtirishga doir qo’shimcha chora-tadbirlar to’g’risida”gi 1010-sonli qarori (O’zbekiston Respublikasi Qonun hujjatlari ma'lumotlari milliy bazasi, 2017 y. 09/17/1010/0461-son) ijrosini ta'minlash maqsadida

QAROR QILAMAN:

1. O’zbekiston Respublikasi Vazirlar Maxkamasining 2017 yil 22-dekabrdagi 1010-sonli “Transport vositalarini majburiy texnik ko’rikdan o’tkazish tartibini takomillashtirishga doir qo’shimcha chora-tadbirlar to’g’risida”gi qarori raxbarlik va ijro uchun qabul qilinsin.

2. Qaror bilan:

2019 yil 1 yanvardan boshlab jismoniy shaxslarga tegishli yengil avtotransport vositalari tadbirkorlik sub'yektlari yuridik shaxslar tomonidan majburiy texnik ko’rikdan o’tkazilishi belgilanganligi inobatga olinsin.

3. Qo’shtepa tumanida transport vositalarini majburiy texnik ko’rikdan o’tkazish bo’yicha komissiya tarkibi 1-ilovaga muvofiq, Qo’shtepa tumanida yuridik va jismoniy shaxslarning avtomototransport vositalarini majburiy texnik ko’rikdan o’tkazish jadvali 2-ilovaga muvofiq tasdiqlansin.

4. Tumanda tijorat asosida yo’lovchilar tashish uchun foydalaniladigan yengil avtomobillar, avtobuslar va o’rindiqlar soni 8 ta va undan ortiq bo’lgan (haydovchi o’rnidan tashqari), odamlarni muntazam tashish uchun jixozlangan yuk avtomobillari, yirik gabaritli, og’ir vaznli va xavfli yuklarni tashish uchun maxsus transport vositalari va ularning tirkamalari bir yilda ikki marta, birinchi marta 1 martdan 30 iyungacha, ikkinchi marta 12 sentyabrdan  31 oktyabrgacha texnik ko’rikdan o’tkazilsin.

5. Avtotransport vositalarini texnik ko’rikdan o’tkazilganlik uchun qonun xujjatlarida belgilangan tartibda yig’im undirilsin.

6. Komissiya tarkibiga kiritilgan mutaxassislarni asosiy ish joyidan oylik ish haqi va lavozimi saqlangan holda tuman ichki ishlar bo’limi yo’l harakati xavfsizligi guruhi ixtiyoriga 2020 yilning

1 yanvardan 1 noyabrgacha yuborish tegishli tashkilot, korxona va xo’jalik raxbarlari roziligi bilan amalga oshirilsin.

7. Tumandagi transport vositalarini texnik ko’rikka jalb qilishda yo’l harakati xavfsizligi guruhi tarkibiga, tuman avtomotohavaskorlar jamiyati, mahalla fuqarolar yig’ini raislari, tuman ichki ishlar bo’limi xodimlari jamoatchilik asosida qo’shish tavsiya etilsin.

8. Qaror ommaviy axborot vositalarida rasmiy e'lon qilingan kundan boshlab kuchga kiradi.

9. Tuman hokimligi axborot xizmati Yo.Qosimovaga, “Istiqbol yo’li” gazetasida rasman e'lon qilish hamda tuman hokimligi rasmiy veb saytiga joylashtirish vazifasi yuklatilsin.

10. Ushbu qarorning bajarilishini nazorat qilish tuman hokimining o’rinbosari B.Qurbonov zimmasiga yuklatilsin.

Tuman hokimi                                           I.Novikov

Qo’shtepa  tuman hokimining    

2021 yil «11» yanvar

№ 03 sonli

Qaroriga  2-ilova

Majburiy texnik ko’rikni o’tkazish 1-bosqich

J A D V A L I.

Majburiy  texnik  ko’rik  o’tkazish  2-bosqich

J A D V A L I.

  Qo’shtepa  tuman hokimining

2021 yil «11» yanvar

№ 03 sonli Qaroriga  1-ilova

Qo’shtepa tumanida transport vositalarini majburiy

texnik ko’rikdan o’tkazish bo’yicha komissiya

TARKIBI