1. Bosh sahifa
2. Yangiliklar

FIDOYI TIBBIYOT XODIMLARI BAYRAM MUNOSABATI BILAN TAQDIRLANDI (FOTO)

×

Mamlakatimizda har yili noyabr oyining ikkinchi yakshanbasi tibbiyot xodimlarining kasb bayrami kuni sifatida keng nishonlab kelinadi. Shu munosabat bilan Qo’shtepa tumani Madaniyat bo’limining majlislar zalida bayram tadbiri bo’lib o’tdi. Ushbu tadbirda sektor rahbarlari va tibbiyot soxasi xodimlari ishtirok etdilar.

Tuman hokimi I.Novikov "Tibbiyot xodimlari kuni" munosabati bilan ularga o’z tabrigini va samimiy tilaklarini yo’llab, mashaqqatli mehnatlarini yuksak qadrlab, “Kasbingizda sharaf va mas'uliyat birdek ekanligi bois jamiyat hayotidagi beqiyos o’rningizni e'tirof etgan holda Siz azizlarni “Tibbiyot xodimlari kuni” bayrami bilan yana bir bor muborakbod etib, mehnat jamoalaringiz va xonadonlaringizga tinchlik-totuvlik, dasturxoningizga qut-baraka, salomatlik yo’lidagi mashaqqatli faoliyatingizda kuch va shijoat tilayman”  dedi.

Shuningdek  tadbir davomida sektor rahbarlari tumanda faoliyat ko’rsatayotgan bir guruh fidoiy tibbiyot xodimlarini faxriy yorliq va esdalik sovg’alari bilan taqdirladilar. 

Qo’shtepa tumani hokimligi Axborot xizmati.