1. Bosh sahifa
2. Yangiliklar

QO’SHTEPADA 4 NAFAR KAM TA'MINLANGAN XOTIN-QIZLARGA TIKUV MASHINALARI BERILDI

×

Qo’shtepa tumanida «Temir daftarga» kiritilgan oilalarning bandligini ta'minlashda muntazam ish tashkil etilgan. Amaliy sa'y-harakatlar natijasida hududdagi mavjud kambag’al oilalarga imtiyozli kredit va subsidiya asosida issiqxonalar qurib berildi. Fermer xo’jaliklaridagi yerlarda takroriy ekin yetishtirish imkoniyati yaratildi, tikuv mashinasi, qo’y, quyon va parranda tarqatilib, xonadon egalarining bandligini ta'minlashda tizimli ish yo’lga qo’yilmoqda. Ko’rilayotgan bunday chora tadbirlar orqali kishilarimizda tadbirkor bo’lishga ishtiyoq va ishonch ortib, ko’proq daromad olishga intilish oshib bormoqda.

Xususan, Qo’shtepa tumanida «Temir daftarga» kiritilgan oilalarning bandligini ta'minlash maqsadida yana bir xayrli tadbir bo’lib o’tdi. Tuman hokimi I.Novikov va sektor rahbarlarining tashabbusi bilan “FERGANA GLOBAL TEXTILE” mas'uliyati cheklangan jamiyati homiyligida sektorlar kesimida “Temir daftar”iga kiritilgan ehtiyojmand oilalardan 4 nafariga nogironlik aravachasi topshirildi. Shuningdek, karantin vaqtida ishsiz qolgan xotin-qizlar bandligini ta'minlash  maqsadida ularning 4 nafariga zamonaviy tikuv mashinalari yetkazib berildi.

Qo’shtepa tumani hokimligi Axborot xizmati.