1. Bosh sahifa
2. Yangiliklar

Hokim qabuli: aholi manfaatlari doimiy e'tiborda

×

Haftaning har seyshanba kuni tuman Xalq qabulxonasida tuman hokimi I.Novikov boshchiligida fuqarolarning qabullari o’tkazilmoqda. Qabul chog’ida fuqarolar turli shikoyat, ariza, muammo, chigal vaziyatlar bo’yicha murojaat qilishmoqda. Tuman hokimining o’rinbosarlari, tumandagi turli korxona, tashkilot rahbarlari ishtirokida o’tgan bu qabulda fuqarolar o’zlarini tashvishlantirayotgan muammolar bo’yicha murojaat qilishdi.

Ochiq va samimiy muloqot tarzida kechgan qabulda uy-joy, moddiy yordam, kommunal xizmat, bank, bandlik, ko’chalarni asfalt qilish, ichimlik suvi tortish, simyog’och o’rnatish va boshqa masalalarga oid 30 dan ziyod muammolar aytildi. Qabul chog’ida fuqarolarning muammolari birma bir tinglandi va yechimiga e'tibor qaratildi. Aksariyat murojaatlar shu yerning o’zidayoq tegishli tashkilotlarga ijro uchun yo’naltirilib, ijrosi nazoratga olindi.

Qo’shtepa tumani hokimligi Axborot xizmati