1. Bosh sahifa
2. Yangiliklar

QO’SHTEPA TUMANI HOKIMLIGI AXBOROT XIZMATINING BAYONOTI

×

Qo’shtepa tumani Balandmasjid MFY Navro’z ko’chasidan yozilgan imzosiz xatga tuman yo’llardan foydalanish unitar korxonasi direktori  Sh. Umurzaqov shunday javob beradi: «Korxonamiz tasarrufidagi umumfoydalanuvdagi mahalliy ahamiyatga ega 4K-864 "Marg’ilon temir yo’l stansiyasi - Qumtepa - Qoraqushchi qishlog’i - Oxunboboyev temir yo’l stansiyasi" avtomobil yo’li Prezident tashrifi munosabati bilan emas, balki joriy ta'mirlash ishlari hisobidan bajarildi. Yo’lning 2-km qismidagi o’ng tomondagi tutashmada buzilishlar va chuqurchalar mavjudligi hamda umumfoydalanuvdagi avtomobil yo’liga chang va iflosliklar chiqmasligi uchun 38 m2 qismi ta'mirlanib, eski asfalt beton qoplamaga ulandi. Umumfoydalanuvdagi avtomobil yo’liga tutashgan ushbu ko’cha tuman hokimligi va tuman obodonlashtirish boshqarmasiga qarashli ichki xo’jalik yo’l bo’lib, tuman hokimligi tomonidan manzilli dasturga kiritilgandan so’ng ta'mirlash ishlari olib boriladi». 

Qo‘shtepa tumani hokimligi Axborot xizmati