1. Bosh sahifa
2. Yangiliklar

8 MART GO‘ZALLIK VA NAFOSAT AYYOMI

×

8-mart Xalqaro xotin-qizlar kuni munosabati bilan Qo‘shtepa tumanidagi "Shodlik" to‘yxonasida bayram tadbiri bo‘lib o‘tdi. Tadbirda 300 nafardan ziyod tumandagi keksa onaxonlar, opa-singillar ishtirok etishdi.

Tadbirda tuman hokimi I. Novikov bayram munosabati bilan xotin-qizlarni tabriklab, ularga ezgu tilaklarini bildirdi.

Bayram tadbirida O‘zbekiston Respublikasi Prezidenti tashabbusi bilan ta'sis etilgan “Mo‘'tabar ayol” ko‘krak nishoniga sazovor bo‘lgan Tojixon Abduqodirovaga yuksak nishon topshirildi.

8-mart Xotin-qizlar bayrami munosabati bilan Vatanimiz taraqqiyotiga qo‘shgan samarali hissasi hamda ijtimoiy-siyosiy hayotdagi faol ishtiroklari uchun bir qator opa-singillarimiz tuman hokimligining sovg‘alari bilan mukofotlandilar.

Shuningdek, dasturxon atrofida yig‘ilgan ayol-qizlarga bayram konsert dasturi namoyish etildi.

Balandmasjid MFYda istiqomat qiluvchi 90 yoshli onaxon Raximaxon aya Fozilova tomonidan ijro etilgan xalq qo‘shig‘i tadbir  ishtirokchilariga ko‘tarinki kayfiyat ulashdi.

Kuy-qo‘shiqqa, qo‘shiqlar raqslarga ulanib, tadbir qatnashchilari maroqli dam oldilar.

Qo‘shtepa tumani hokimligi Axborot xizmati