1. Bosh sahifa
2. Yangiliklar

HOKIM QABULIDA MUROJAATLAR YECHIMIGA E'TIBOR QARATILDI

×

O’zbekiston Respublikasi Prezidentining tumandagi Xalq qabulxonasida Qo’shtepa tumani hokimi I.Novikovning navbatdagi fuqarolar qabuli o’tkazildi.

Unda hokim o’rinbosarlari, tuman Xalq qabulxonasi mudiri R.Abdullayev hamda aloqador idora va tashkilotlar rahbarlari ishtirok etdilar.

Qabulda jami 70 nafardan ziyod fuqarolar o’z muammolari bilan qatnashdi. Fuqarolar tomonidan bolalar puli va moddiy yordam ajratish, ish bilan ta'minlash, elektr va suv ta'minoti, bank, sog’liqni saqlash, tadbirkorlik, kadastr bilan bog’liq va shu kabi boshqa masalalar bo’yicha muammolar aytildi.

Tuman hokimi tomonidan muammolar birma bir tinglandi va yechimiga e'tibor qaratildi. Aksariyat murojaatlar shu yerning o’zidayoq tegishli tashkilotlarga ijro uchun yo’naltirildi.

Qo’shtepa tumani hokimligi Axborot xizmati.