Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
QO‘SHTEPA TUMANI G‘ALLAKORLARI SHARTNOMAVIY REJANI BAJARDI
2024-06-27 22:35:32 382
O’tgan yil kuzda qo‘shtepalik g‘allakorlar 7900 gektar yerda mahalliy iqlim va tuproq sharoitiga mos “Asr”, “Vexa”, “Davr” kabi ertapishar va serhosil navli urug‘larni obi-tobida ekib, undirib oldi. Ekinlar zamonaviy texnologiyalar asosida parvarish qilinib kutilgan hosil yetishtirildi.
Joriy yilda 166 ta fermer xo‘jaliklarining mashaqqatli mehnati evaziga yetishtirilgan hosilni nes-nobud qilmay yig‘ishtirib olish uchun 24 ta otryad tashkil etildi.
O’rim kombaynlari, g‘alla tashish texnikalari yordamida hosil sifatli o‘rib olinib, omborlarga yetkazildi. Fermer xo‘jaliklari tomonidan 21 ming tonna don yetkazib berish bo‘yicha belgilangan shartnomaviy reja ortig‘i bilan bajarildi. “Alijon Bobomurod zamini”, “Ismoil Jo‘rabek saxovati”, “Nuriddin Taniqulov”, “Foziljon Mo‘savoyzoda” singari fermer xo‘jaliklari gektaridan 90-100 tsentnerdan hosil oldilar.
Ayni paytda dalalarda hosil mo‘l. YEtishtirilgan hosilni yig‘ishtirib olish ishlari barcha fermer xo‘jaliklarida qizg‘in davom etmoqda.
