1. Bosh sahifa
2. Yangiliklar

QO‘SHTEPADA “ONALARGA EHTIROM” FESTIVALINING TUMAN BOSQICHI O‘TKAZILDI VA G‘OLIBLAR TAQDIRLANDI

×

Bugun Qo‘shtepa tumanidagi “Rayhon” tantanalar majmausida viloyatimizda to‘rtinchi bor o‘tkazilayotgan “Onalarga ehtirom” festivalining tuman bosqichi yakunlariga bag‘ishlangan tadbir bo‘lib o‘tdi.

200 nafarga yaqin onaxonlarni, jamoatchilik vakillarini o‘zida jamlagan tadbirda tuman hokimi Anvarjon Abdullayev va tuman sektorlari rahbarlari ishtirok etdi.

Bayram tadbirini tuman hokimi Anvarjon Abdullayev ochib berdi. Sektor rahbarlari ishtirokida festival doirasida o‘tgan tanlovlar g‘oliblariga va faol ishtirokchilarga tashkilotchilarning tashakurnomalari, esdalik sovg‘alari topshirildi. Shuningdek, Ozodaxon Toshmatovaga “Mo‘’tabar ayol” ko‘krak nishoni ham topshirildi.

Tadbirda so‘z olganlar tomonidan festival doirasida barcha mahalla va maskanlarda, mehnat jamoalarida ma’naviy-ma’rifiy tadbirlar o‘tkazilib, mo‘tabar zotlarga yuksak izzat-ikrom ko‘rsatilayotganiga e’tibor qaratildi.

To‘kin dasturxon atrofida jam bo‘lgan munis va mo‘’tabar onajonlar bunday ezgu tashabbus va e’tibordan mamnun ekanliklarini bildirib, bugungidek tinch va osoyishta kunlar bardavom bo‘lishini tilab duoga qo‘l ochdilar.

Bayram dasturi davomida tumanimiz xushovoz xonandalari tomonidan mo‘’tabar onaxonlarga bag‘ishlanib, yangragan kuy-qo‘shiqlar, go‘zal raqslar dillarga yanada ko‘tarinkilik bag‘ishladi.

Bizni ijtimoiy tarmoqlarda kuzating
Facebook, Telegram