1. Bosh sahifa
2. Yangiliklar

QO‘SHTEPA TUMANIDA SAYXUNOBOD HAMDA UYCHI TAJRIBASI OMMALASHMOQDA

×

Muhtaram Prezidentimiz tashabbusi bilan aholining doimiy daromad manbaini oshirish, tomorqadan unumli foydalanish imkoniyatlarini yanada oshirish maqsadida Sayxunobod va Uychi tajribasi ommalashmoqda. Xususan, Qo‘shtepa tumanida ham bu borada aniq manzilli ishlar olib borilmoqda.

Bugun Farg‘ona viloyati hokimi o‘rinbosari Xabibjon Sirojitdinov va mas’ul idoralarning vakillari Qo‘shtepa tumanida bo‘lib Langar, Kattabeshkapa, Loyson hamda Shodlik mahallalarida Sayxunobod va Uychi tajribasi asosida mahallabay ishlash, tomorqa va xonadonlardagi imkoniyatlardan foydalanib, aholi daromadlarini oshirish masalalarida xonadon vakillari bilan uchrashdi.

Shuningdek, “Bir kontur – bir mahsulot” tamoyili asosida fuqarolarga dehqon xo‘jaligi yuritish uchun ajratib berilayotgan yer maydonlarida olib borilayotgan ishlar bilan tanishdi.

Tashrif davomida mahalla mas’ullari bilan istiqboldagi vazifalar yuzasidan suhbat o‘tkazildi va mahallalardagi muammolarni o‘z vaqtida hal etish, mavjud imkoniyatlarini to‘liq ishga solish orqali daromadlarini oshirish bo‘yicha zaruriy taklif va tavsiyalar berildi.

Bizni ijtimoiy tarmoqlarda kuzating
Facebook, Telegram