1. Bosh sahifa
2. Yangiliklar

TUMAN HOKIMI HUDUDLARDA

×

Qo‘shtepa tumani hokimi Anvarjon Abdullayev bugun hududlarda bo‘lib, qishloq xo‘jaligi sohasida amalga oshirilayotgan bahorgi yumushlar, chigit ekishning borishi, g‘alla maydonlarida olib borilayotgan bahorgi oziqlantirish hamda sug‘orish borasidagi ishlar bilan yaqindan tanishdi.

Tuman hokimi dastlab "A.Niyozov Oqtepa" MMTP hududidagi "Sherzodbek" hamda "Qumtepa Qamishtepa" MMTP hududida faoliyat ko‘rsatib kelayotgan "Rustam Ravshanov" fermer xo‘jaliklari dalasida bo‘lib, joriy yil hosili uchun chigit ekilishi rejalashtirilgan yer maydonlarida olib borilayotgan ishlar bilan tanishdi.

Shuningdek, "Baxt Yo‘ldosh Oxun" MMTP hududidagi "Said Sodiqxon", "Qoraqushchi Otaboyev" MMTP hududida faoliyat ko‘rsatib kelayotgan "Yoqub ota" nomli fermer xo‘jaligi dala maydonlarini ham ko‘zdan kechirdi.

Tuman hokimi tomonidan chigit ekish ishlarini belgilangan muddatlarda bajarilishini ta’minlash, texnikalar kuchidan samarali foydalanish, g‘alla maydonlarida olib borilayotgan agrotexnik tadbirlarni o‘z muddatida bajarish, jarayon ishtirokchilariga yetarli sharoit yaratish bo‘yicha mas’ullarga tegishli ko‘rsatmalar berildi.

Bizni ijtimoiy tarmoqlarda kuzating
Facebook, Telegram