Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
ISTIQBOL MAHALLASIDA IFTORLIK DASTURXONI YOZILDI
2024-04-01 21:06:02 168
Muborak Ramazon oyining ma’naviy hayotimizda ezgulik, shukronalik, mehr-oqibat kabi olijanob qadriyatlarni qaror toptirishdagi ahamiyati beqiyos. Ushbu oyda e’tiborga muhtoj insonlar holidan xabar olish xalqimizga xos ma’naviy qadriyat hisoblanadi. Bu oyda kishilar bir-birini yo‘qlaydi, sovg‘a-salomlar beriladi, homiylik yordamlari ko‘rsatiladi. Iftorlik dasturxonlari yozilib, ko‘ngillar shod etiladi.
Qo‘shtepa tumanida ham ramazon oyi munosabati bilan ro‘zadorlar uchun iftorliklar tashkil etilib, xayr-saxovat tadbirlari olib borilmoqda.
Xususan, bugun Istiqbol mahalla fuqarolar yig‘inida 150 nafardan ziyod kam ta’minlangan, ijtimoiy himoyaga muxtoj, nogironligi bo‘lgan shaxslar hamda nuroniylar uchun iftorlik dasturxoni yozildi. Ushbu tadbirda Istiqbol, Qorajiyda, Xalqobod, Xo‘ja qishloq hududida istiqomat qiluvchi fuqarolar ishtirok etishdi.
Tadbirda tuman sektor rahbarlari, hokim o‘rinbosarlari va mas’ul idoralarning vakillari ham qatnashdilar.
Ishtirokchilar tomonidan Davlatimiz rahbari tashabbusi bilan amalga oshirilgan ezgu ishlar, yurtimizda muqaddas dinimiz sofligini saqlash borasida olib borilayotgan amallar haqida fikr yuritildi.
Shuningdek ushbu tadbirda Qur’on oyatlari o‘qilib, turmushimiz farovon, yurtimiz tinch, osmonimiz musaffo bo‘lishini, xonadonlarimizda hamisha tinchlik hukm surishini tilab duolar qilindi.
Tadbirda ishtirok etgan fuqarolar yurtimizda inson qadrini ulug‘lash hamda ijtimoiy himoyaga muhtoj xonadon vakillariga ko‘rsatilayotgan e’tibor va g‘amxo‘rlikdan behad xursand bo‘lishdi.
