1. Bosh sahifa
2. Yangiliklar

BILIMDONLAR BELLASHUVI

×

Qo‘shtepa tumanidagi 49-umumta’lim maktabida “Bilimdonlar shohsupasi” deb nomlangan ma’naviy-ma’rifiy tadbir o‘tkazildi.

Ma’naviy-ma’rifiy ishlar samaradorligini oshirish, yoshlarni Ona Vatanimizga sadoqat, ona tilimiz hamda milliy qadriyat va an’analarimizga hurmat ruhida tarbiyalash, ularning nutq madaniyatini o‘stirish, notiqlik san’atini shakllantirish, barcha fanlardan olgan bilimlarini mustahkamlash maqsadida tashkil etilgan ushbu tadbirda maktabning 4-sinf o‘quvchilaridan iborat beshta jamoa bellashdi.

Qiziqarli savollar, bahs munozaralar, test yechish, ijodkor o‘quvchilarning bellashuvlari, erkin mavzular asosida qiziqarli ko‘rinishda o‘tgan tadbirda maktabning 4 A sinf o‘quvchilari jamoasi faxrli birinchi o‘rinni egalladilar.

Tadbirda ishtirok etgan tuman hokimining maslahatchisi M.Mo‘ydinova tomonidan g‘oliblar va faol ishtirokchilarga faxriy yorliq hamda esdalik sovg‘alari topshirildi.

Bizni ijtimoiy tarmoqlarda kuzating
Facebook, Telegram