1. Bosh sahifa
2. Yangiliklar

“GARMDON” MAHALLASIDA YANGI TARMOQ TORTISH ISHLARI DAVOM ETMOQDA

×

Qo‘shtepa tumanining “Garmdon” mahallasidagi uzoq yillik elektr ta’minotidagi muammolar o‘z yechimini topmoqda.

Sababi, mazkur mahalla hududidagi elektr tarmoqlarini to‘liq yangilash hamda modernizatsiya qilish ishlari olib borilmoqda.

Loyihaga ko‘ra, shu kungacha 300 dan ortiq yangi temir-beton hududga olib kelib o‘rnatildi. Mutaxassislar tomonidan 6,4 km uzunlikda 0,4-10 kVli yangi elektr uzatish tarmog‘ini qurish ishlari yakuniga yetkazilmoqda.

Bundan tashqari mahalladagi mavjud transformatorlar yukini yengillatish maqsadida mahallaga qo‘shimcha 5 dona yangi transformator punktlari olib kelinib, o‘rnatildi.

Buning natijasida mahallaning 800 dan ortiq xonadonning elektr ta’minoti yaxshilanib, iste’molchilar to‘liq yangi elektr uzatish tarmoqlari orqali elektr energiyasi bilan ta’minlanadi.

Tumanda bu kabi yirik loyihalarni amalga oshirish ishlari davom etmoqda.

Bizni ijtimoiy tarmoqlarda kuzating
Facebook, Telegram