1. Bosh sahifa
2. Yangiliklar

XOTIN-QIZLAR FAOLLARI UCHUN O‘QUV SEMINAR O‘TKAZILDI

×

Qo‘shtepa tumanida mahallalarda xotin-qizlar faoli ishini samarali tashkil etish hamda oila va xotin-qizlar bilan ishlash bo‘yicha namunaviy tizim yaratish to‘g‘risida 3-sektor hududidagi mahallalarda faoliyat yuritayotgan xotin-qizlar faollari uchun o‘quv seminar o‘tkazildi.

O’quv seminarda Oila va xotin-qizlar qo‘mitasi bosh mutaxassisi Ixlosbek Abdullayev ishtirok etdi.

Seminar davomida tumandan tanlab olingan Karnaychi va Xumdon mahallalari misolida xotin-qizlar yuritishi kerak bo‘lgan hujjatlar to‘g‘risida xotin-qizlar faollariga tushunchalar berildi.

Shuningdek xotin-qizlar faollarining bir kunlik hamda bir haftalik ish rejalarini ishlab chiqishda e’tibor qaratilishi zarur bo‘lgan jihatlar Oila va xotin-qizlar qo‘mitasi bosh mutaxassisi Ixlosbek Abdullayev tomonidan tushuntirildi.

Ma’ruzachi tizim ishini to‘g‘ri tashkil etishda hamkor tashkilotlarning vazifalari , yo‘l haritasini shakllantirish va mahallalardagi xotin-qizlar faollari ishini samarali tashkil etish bo‘yicha belgilangan vazifalar, mahallalarda oila va xotin-qizlar bilan ishlash hamda ushbu masalada aniqlangan muammolarni bartaraf etish bo‘yicha “Yo‘l xaritasi”da belgilangan tadbirlarning o‘z vaqtida va sifatli bajarilishini ta’minlash bo‘yicha deputatlik nazoratini olib borilishini alohida ta’kidladi.

Bizni ijtimoiy tarmoqlarda kuzating
Facebook, Telegram