Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
KO‘NGILLARGA MEHR ULASHIB...
2023-12-02 16:05:26 370
Qo‘shtepa tumanida 3 dekabr – “Xalqaro nogironlar kuni” munosabati bilan bayram tadbiri o‘tkazildi
Mamlakatimizda aholini ijtimoiy muhofaza qilishni yanada kuchaytirish, ayniqsa, ijtimoiy himoyaga ehtiyojmand nogironlarga hayotda keng imkoniyat va sharoitlar yaratib berish masalasiga alohida ahamiyat berib kelinadi.
Xususan, Qo‘shtepa tumanida ham nogironligi bo‘lgan shaxslarning manfaatlarini himoya qilish, ularni jamiyatimizning to‘laqonli a’zosi ekanliklarini ko‘rsatish maqsadida turli tadbirlar amalga oshirilmoqda.
3 dekabr – Xalqaro Nogironlar kuni munosabati bilan Shodlik mahallasidagi “Rayxon” to‘yxonasida ijtimoiy himoyaga muhtoj, nogironligi bo‘lgan shaxslar ishtirokida tadbir o‘tkazildi.
Tadbirda tuman hokimi I.Novikov va sektor rahbarlari ishtirok etishdi. Tadbirda so‘z olgan tuman hokimi barchani bayram bilan samimiy qutlab, sihat-salomatlik, ko‘ngil xotirjamligini tiladi.
Tadbir davomida nogironligi bo‘lgan yurtdoshlarimizga reabilitatsiya texnik vositalari hamda esdalik sovg‘alari sektor rahbarlari ishtirokida topshirildi.
Tadbirning badiiy qismida nogironligi bo‘lgan fuqarolarimiz uchun bayram dasturxoni atrofida kontsert dasturi namoyish etildi. Tuman Madaniyat bo‘limining xushovoz xonandalari tomonidan ijro etilgan kuy-qo‘shiqlar tadbirga o‘zgacha fayz kiritdi.
