1. Bosh sahifa
2. Yangiliklar

SHOMIRZALIK AYOLLAR XORAZMGA SAYOHATGA YO‘L OLDILAR

×

“Obod xonadon”, “Obod ko‘cha” va “Obod mahalla” mezonlari joriy etilayotgan Qo‘shtepa tumanidagi “Shomirza” mahallasida hudud infratuzilmasini yaxshilash va aholining yashash tarzini o‘zgartirish borasida salmoqli ishlar amalga oshirilmoqda. Ayni kunlarda mahallada bunyodkorlik va obodonlashtirish ishlari jadal suratlarda olib borilmoqda.

Bugun “Shomirza” MFY hududida yashovchi nuroniy onaxonlar va “Ayollar daftari”da turgan 12 nafar ayollar Xorazm viloyatiga sayohatga yo‘l oldilar. Ular Marg‘ilon shahridagi temir yo‘l vokzalidan tuman hokimi o‘rinbosari M.Yuldasheva va mahallaning mas’ullari ishtirokida kuzatib qo‘yildi.

Sayohatchilar Xorazmning tarixiy qadamjolari, ziyoratgoh va obidalari bilan yaqindan tanishib qaytadilar.

Bizni ijtimoiy tarmoqlarda kuzating
Facebook, Telegram