Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
TADBIRKORLAR MUAMMOLARINI O‘RGANISH VA HAL QILISH BO‘YICHA VILOYAT ISHCHI GURUHI TOMONIDAN QO‘SHTEPA TUMANIDA TADBIRKORLAR UCHUN SAYYOR QABUL O‘TKAZILDI
![](https://qoshtepa.uz/uploads/bot/47a8aecdd44e9cb8e46e0.jpg)
2023-08-07 18:14:25 302
![](https://telegra.ph/file/47a8aecdd44e9cb8e46e0.jpg)
Qo‘shtepa tumani hokimligining majlislar zalida tadbirkorlarning tashabbuslari va loyihalarini jadal amalga oshirishga ko‘maklashish, muammo va murojaatlariga qonuniy yechim topish maqsadida “Sayyor qabul” o‘tkazildi.
Tumanimizda turli yo‘nalishlarda faoliyat olib borayotgan 60 nafardan ziyod tadbirkorlar ishtirok etgan qabul davomida viloyat hokimi o‘rinbosari — viloyat investitsiyalar va tashqi savdo boshqarmasi boshlig‘i Iqboljon Ergashev, viloyat prokuraturasi bo‘lim boshlig‘i Axmadjon Yunusov, Biznes-ombudsman Farg‘ona viloyati vakili Murodjon Po‘latov hamda tuman hokimi Ilyosbek Novikovlar tomonidan murojaatlar birma-bir tinglandi.
Ishbilarmonlar asosan ishlab chiqarish faoliyatlarini kengaytirish uchun tijorat banklaridan kredit olish, kichik sanoat zonalari imkoniyatlaridan samarali foydalanish, kadastr, elektr va boshqa bir qator masalalarda mas’ullarga yuzlandilar.
Murojaatlar viloyatdagi tegishli boshqarma va tashkilotlar rahbarlari, mas’ul shaxslar ishtirokida ko‘rib chiqilib, ularning ayrimlariga qabul jarayonining o‘zida yechim topildi. O’rganish uchun qo‘shimcha muddat talab etiladigan muammolar yuzasidan esa tegishli boshqarma va tashkilotlar rahbarlariga zarur topshiriqlar berildi.
Shuningdek, qabulda qonuniy jihatdan qanoatlantirish imkoniyati mavjud bo‘lmagan murojaatlar bo‘yicha tadbirkorlarga tegishli tushuntirishlar berildi.
![](https://telegra.ph/file/9366e9b94985381854ced.jpg)
![](https://telegra.ph/file/bfb006f036b9c0168267f.jpg)
![](https://telegra.ph/file/999b66d730068fb8a5180.jpg)