1. Bosh sahifa
2. Yangiliklar

QO’SHTEPADA PAXTA TERIMI AVJIDA

×

Qo‘shtepa tumani dalalarida paxta yig‘im-terimi qizg‘in pallaga kirdi. Jumladan, “Xavasmand Qorajiyda” MMTPga qarashli fermer xo‘jaliklarida ham terim ishlari uyushqoqlik bilan olib borilmoqda. Ushbu MMTP 4-sektor hududida joylashgan. Qo‘shtepa tuman davlat soliq inspektsiyasi boshlig‘i, 4-sektor rahbari Z.Mirzayev paxta dalalarida bo‘lib, terim jarayonida ishtirok etayotgan terimchilar, uyushmagan aholidan tashkil topgan hasharchilar bilan suhbat o‘tkazib, yaratilgan sharoitlar va qulayliklar bilan muntazam ravishda tanishib bormoqda.

Bugun xalq deputatlari tuman Kengashi deputati D.Uzaqova va 4-sektor shtabi kotibi Q.Rayimovlar “Mustaqillik” fermer xo‘jaligi paxta dalalarida bo‘lib, terimchilar bilan suhbatlashdilar va ilg‘or terimchilarga sovg‘a-salomlar ulashishdi.

“Mustaqillik” fermer xo‘jaligida 54.4 gektar maydonda g‘o‘za parvarishlanib, mo‘l hosil yaratildi. Ayni kunda fermer xo‘jaligi paxtakorlari belgilangan 170 tonna paxta xirmonini yaratish uchun astoydil mehnat qilishmoqda.

Bizni ijtimoiy tarmoqlarda kuzating
Facebook, Telegram