Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
QO‘SHTEPADA XAYR-SAXOVAT TADBIRLARI DAVOM ETMOQDA
2022-08-31 23:09:43 191
Mamlakatimiz mustaqilligining 31 yillik bayrami munosabati bilan Qo‘shtepa tumanida bayram tadbirlari davom etmoqda. Ushbu shodiyona tumanimizda ko‘tarinki kayfiyatda, shodmonlikda nishonlanmoqda. Shuning bilan birga xayr-saxovat tadbirlari ham bo‘lib o‘tmoqda. Xususan, bugun, mahalla fuqarolar yig‘inlarida istiqomat qilayotgan “Temir daftar”, “Ayollar daftari”, “Yoshlar daftari” va kam ta’minlangan, ehtiyojmand 530 ta oilalarga "Mahalla" Xayriya jamoat fondi qoshida tashkil etilgan "Saxovat va ko‘mak" jamg‘armasi hamda tumandagi sahovatpesha xomiylar tomonidan oziq-ovqat mahsulotlari tarqatildi.
Birgina, "Mahalla" Xayriya jamoat fondi qoshida tashkil etilgan "Saxovat va ko‘mak" jamg‘armasi tomonidan 306 ta "Temir daftar", "Ayollar daftari", "Yoshlar daftari" va kam ta’minlangan, ehtiyojmand oilalarga 76 mln. 216 ming so‘mlik 10 xil turdagi oziq-ovqat mahsulotlari berildi.
Oziq-ovqat mahsulotlari tuman “Dehqon bozori”da tayyorlanib, shu yerning o‘zida mahalla fuqarolar yig‘inlari raislari hamda hokim yordamchilari tomonidan qabul qilib olindi. Ushbu mahsulotlar bugunning o‘zida xonadonlarga yetkazib berildi.