1. Bosh sahifa
2. Yangiliklar

"OCHIQ-OYDIN" TOK-SHOUSIDA QO‘SHTEPALIK FUQAROLAR BILAN MULOQOT BO‘LDI

×

Farg‘ona viloyati hokimi tomonidan tasdiqlangan reja-jadvaliga asosan hududdagi islohotlar samarasi, shuningdek, mavjud muammolar hamda aholi murojaatlari yechimi yuzasidan "Ruxsor" telekanali orqali "Ochiq-oydin" tok-shousi jonli efirga uzatib kelinmoqda.

Bugun o‘tkazilgan tok-shouda Qo‘shtepa tumani hokimi I.Novikov va sektor rahbarlari, shuningdek, tumandagi tashkilot-korxonalar rahbari ishtirok etib, fuqarolar bilan muloqot qildilar.

Muloqot chog‘ida tuman hokimi va mutasaddilar fuqarolar tomonidan telefon va telegram messenjeri orqali yo‘llangan murojaatlarga jonli efirda javob berdilar.

Ko‘rsatuv davomida "Ruxsor" telekanali ijodkorlari tomonidan tumandagi ayrim mahallalar va joylarda o‘tkazilgan o‘rganishlar bo‘yicha ham tanqidiy lavhalar namoyish etilib, mutasaddilarning munosabati bildirildi.   

Muloqot chog‘ida fuqarolardan kelib tushgan murojaatlar ro‘yxatga olindi. Albatta, ularni hal etish choralari ko‘riladi.

Bizni ijtimoiy tarmoqlarda kuzating
Facebook, Telegram