1. Bosh sahifa
2. Yangiliklar

IZLAGAN IMKON TOPAR 

×

#Inson_qadri_uchun

Oramizda kasbi ortidan nafaqat oilasiga, balki boshqalarga ham naf keltirayotgan, ularning ko‘nglini topib, mushkulini oson qilayotgan insonlar juda ko‘p. Qo‘shtepa tumanidagi Kichik Beshkapa mahalla fuqarolar yig‘inida istiqomat qiluvchi Odinaxon Nishonova ana shunday kasb egasi.

Odinaxon Nishonova “Ayollar daftari”ning 2-bosqichida ro‘yxatga olingan edi. U bankdan kredit olib, tikuv mashinasi va xom ashyo xarid qildi. Qisqa fursatda faoliyatini kengaytirib, milliy hunarmandchilik yo‘nalishida ish boshladi. Mahalladagi o‘zi singari ishsiz ayollar bilan chorsi tikishni yo‘lga qo‘ydi. Ayni kunlarda faoliyatni kengaytirgan Odinaxon usta-shogird an’analarini ham davom ettirib kelmoqda.

Bugun Kichik Beshkapa mahalla fuqarolar yig‘inida “Tadbirkor ayol e’zozda” mavzusida tashkil etilgan tadbirda, ishtirokchilar Odinaxon Nishonovaning xonadoniga tashrif buyurdilar. 

Tadbirda tuman hokimi o‘rinbosari – oila va xotin-qizlar bo‘limi boshlig‘i D.Olimova ham ishtirok etib, ish bilan ta’minlangan 10 nafar ishsiz xotin-qizlarga mehnat daftarchalari va esdalik sovg‘alarini topshirdi.

Bizni ijtimoiy tarmoqlarda kuzating
Facebook, Telegram