1. Bosh sahifa
2. Yangiliklar

SHIFOKORLAR BAHORNING ILK TAOMI – SUMALAK TAYYORLASHMOQDA

×

Bahor... Naqadar yoqimli, qalblarga iliqlik, ko‘ngillarga orzu-umid bag‘ishlovchi so‘z bu. Fasllar nomlari orasida eng nafis, eng go‘zal, talaffuz etilishida ham o‘zgacha ma’no borday go‘yo. Nazarimizda inson ona tabiat bilan yaqinligini aynan shu damda yaqqol his etadi.

Bahorning ilk kunlaridayoq, sumalakning xushbo‘y hidi esa tevarak atrofni zabd etadi. Odamlar samimiyat bilan bir birlarini tabriklashadi. Bunday tarovat faqat O’zbekistonimizga xos.

Xalq salomatligi yo‘lida kunni tunga ulab ishlaydigan Qo‘shtepa tumani tez tibbiy yordam bo‘limi jamoasi ham ko‘klamning ilk kunini qo‘shaloq bayramlar bilan qarshi olishdi.

Jamoa azolari katta doshqozonda sumalak qaynatishib, bugungi tinch va osoyishta kunimizga shukronalar keltirishdi.

Bugun navbatchilikni topshirgan shifokorlarimiz o‘choq boshida, qolganlari esa yana ish boshida.

Bizni ijtimoiy tarmoqlarda kuzating
Facebook, Telegram