Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“E-EKSPERTIZA” YAGONA ELEKTRON AXBOROT TIZIMI ISHGA TUSHIRILADI
![](https://qoshtepa.uz/uploads/bot/image.jpg)
2021-08-31 22:16:25 117
“O’zbekiston Respublikasida sud-ekspertlik tizimini takomillashtirish chora-tadbirlari to’g’risida”gi Prezident farmoni qabul qilindi
Farmon bilan O’zbekistonda sud-ekspertlik faoliyatini rivojlantirishning 2021–2025 yillarga mo’ljallangan kontseptsiyasi hamda kontseptsiya bo’yicha 2021–2023 yillarda amalga oshiriladigan ishlar yuzasidan “yo’l xaritasi” tasdiqlandi.
Farmonga ko’ra, Adliya vazirligi huzuridagi X. Sulaymonova nomidagi Respublika sud-ekspertiza markazi tuzilmasida yuridik shaxs tashkil etmagan holda Sud-ekspertlik ilmiy-tadqiqot instituti tashkil etildi.
Institut sud ekspertizasi sohasida ilmiy-tadqiqot ishlarini amalga oshiradi.
2021 yil 1 sentyabrdan:
➖ davlat va nodavlat sud-ekspertiza tashkilotlariga shartnoma asosida jismoniy va yuridik shaxslarning murojaatlariga muvofiq, sud ekspertizasi turlari bo’yicha tadqiqot o’tkazish huquqi beriladi;
➖ iqtisodiy, fuqarolik va ma'muriy ish yuritishda advokatga sud-ekspertiza tashkilotlarida shartnoma asosida advokat so’roviga ko’ra ekspertiza o’tkazish tashabbusi bilan chiqishga ruxsat beriladi;
➖ nodavlat sud-ekspertiza tashkilotlari ekspertlarini har 3 yilda bir marotaba attestatsiyadan o’tkazish mexanizmi joriy qilinadi.
➖ 2022 yil 1 martdan aholiga va vakolatli organlarga sud-ekspertlik faoliyatiga doir ma'lumotlarni yetkazish va axborot hamkorligining barcha turlarini ta'minlash uchun mo’ljallangan “E-ekspertiza” yagona elektron axborot tizimi ishga tushiriladi.
Shuningdek, sohada kadrlarni tayyorlash OTMlarida dual ta'lim printsipiga muvofiq, kamida 6 oylik ekspertlar tayyorlash kurslarida amalga oshirilishi mumkin
Farmon bilan shuningdek, 2021–2025 yillarda joriy etiladigan ekspertiza va tadqiqot turlari ro’yxati (16 ta) tasdiqlandi.
Avazjon ERGAShEV,
jinoyat ishlari bo’yicha Qo’shtepa tuman sudining raisi