Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
TADBIRKOR QABULI - MUAMMOGA YECHIM TOPISH UCHUN SAMARALI USUL
![](https://qoshtepa.uz/uploads/bot/ec4946948eeb40bc1555d.jpg)
2021-06-28 14:26:24 110
![](https://telegra.ph/file/ec4946948eeb40bc1555d.jpg)
Kichik biznes va xususiy tadbirkorlikni faol qo’llab-quvvatlash, oilaviy tadbirkorlikni yanada rivojlantirish, mahalliy ishlab chiqaruvchilarni har tomonlama rag’batlantirish, eksport faoliyatini amalga oshiruvchi korxonalar hamda xorijiy investorlar uchun eng qulay shart-sharoitlarni yaratib berish maqsadida Qo’shtepa tumani hokimi I.Novikov tomonidan an'anaviy tarzda haftaning har dushanba kuni “Tadbirkorlar qabuli” o’tkazib kelinmoqda.
![](https://telegra.ph/file/e3031aaa2c882e83cb9ac.jpg)
![](https://telegra.ph/file/152558d92e0650dc74b4e.jpg)
![](https://telegra.ph/file/bffb3005ec779c6ac2e3d.jpg)
Bugun, Qo’shtepa tumanidagi O’zbekiston Respublikasi Bosh vazirining tadbirkorlar murojaatlarini ko’rib chiqish qabulxonasida navbatdagi tadbirkorlar qabuli o’tkazildi. Qabulda ishtirok etgan 4 nafar tadbirkorning murojaati tuman rahbari tomonidan birma-bir tinglanib, masalalarni hal etish yuzasidan soha mutasaddilariga aniq vazifalar yuklatildi. Murojaatlar ijrosi tuman hokimligi tomonidan nazoratga olindi.
![](https://telegra.ph/file/5a562c1a75757692e8561.jpg)
![](https://telegra.ph/file/df4533178bef2e15d4727.jpg)
Davlatimiz rahbarining “Tadbirkorlik faoliyatini qo’llab-quvvatlash va himoya qilish tizimini tubdan takomillashtirish chora-tadbirlari to’g’risida”gi farmoni ijrosini ta'minlashga qaratilgan bu kabi tadbirlar tadbirkorlarni qiynab kelayotgan muammolarni o’rganish va ularga huquqiy va amaliy yordam berishga qaratilganligi bilan ham ahamiyatli bo’lmoqda.
![](https://telegra.ph/file/0ef2117b3714fa9522668.jpg)
Shuningdek, bo’lib o’tgan qabulda “Hunarmand” uyushmasi Qo’shtepa tumani bo’limi a'zosi misgar-kandakor Akramxon Yunusov ham ishtirok etib, tumanimizda tadbirkor va hunarmandlar uchun yaratilgan shart-sharoitlardan mamnun bo’lib, tuman hokimiga o’zining minnatdorchiligini bildirdi. Hunarmand o’zining misdan yasalgan ijod namunalaridan “Hunarmandlar muzeyiga” taqdim etdi.
Qo’shtepa tumani hokimligi Axborot xizmati.