1. Bosh sahifa
2. Yangiliklar

YO’L QOIDASI – UMR FOYDASI

×

Qo’shtepa tumani O’quv Sport Texnika Klubi xodimlari tomonidan Davlat maktabgacha ta'lim muassalarida jajji bolakaylarni chiniqqan va sog’lom bo’lishlari, ularning qalbida ilk bolalik davridan boshlab Vatanga sadoqat tuyg’usini uyg’otishga qaratilgan mashg’ulotlar o’tkazib kelmoqda.

O’quv Sport Texnika Klubi xodimlari tumandagi 23-sonli Davlat maktabgacha ta'lim muassasasida bo’lib, “Yo’l qoidasi – umr foydasi” shiori ostida tarbiyalanuvchilar ishtirokida targ’ibot tadbiri va sport musobaqasi o’tkazdilar.

Bolajonlarning yo’l harakati xavfsizligi borasidagi bilimini oshirish, bu orqali ular ishtirokida yo’l harakati bilan bog’liq baxtsiz hodisalarning oldini olish, yo’llarda xavfsiz harakatlanishni ta'minlash maqsadida tashkil etilgan targ’ibot tadbirida yo’l harakati qoidalari, yo’l belgilari, qoida va belgilarga amal qilishning ahamiyati haqida so’z bordi.

 Musobaqa so’ngida faxrli o’rinlarni olgan bolajonlarga esdalik sovg’alari berildi.

Qo’shtepa tumani hokimligi Axborot xizmati.

Bizni ijtimoiy tarmoqlarda kuzating
Facebook, Telegram