Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
1-SEKTOR XABARLARI: TUMAN HOKIMI HUDUDLARDA
2021-05-12 21:42:02 198
Tuman hokimi, 1-sektor rahbari I.Novikov bugun Xalq ta'limi bo’limiga qarashli 18-umumta'lim maktabida bo’lib, o’quv jarayonlari va qo’shimcha fan to’garaklari faoliyati bilan tanishdi. Ta'lim muassasalari bitiruvchilarini oliy ta'limga kirish ko’rsatkichlarini yaxshilash maqsadida o’quvchilarni qiziqishlariga asosan qo’shimcha dars mashg’ulotlari tashkil etish yuzasidan mas'ul rahbarlarga tegishli topshiriqlar berildi.
O’zbekiston Respublikasi Prezidentligi sayloviga munosib tayyorgarlik ko’rish yuzasidan sektor hududidagi saylov uchastkalarida amalga oshirilayotgan ishlar ham o’rganildi. Tuman hokimi tomonidan saylov uchastkalarida olib borilgan xatlov natijalarida aniqlangan muammo va kamchiliklarni qisqa muddatlarda bartaraf etish yuzasidan mas'ul rahbarlarga tegishli topshiriqlar berildi.
Tuman rahbari “Ramazon hayiti” nomozi o’qiladigan jome masjidlarda aholiga yaratilgan shart sharoitlar, jamoat tartibini saqlash hamda bayramga tayyorgarlik yuzasidan amalga oshirilgan ishlar bilan tanishib, mutasaddi rahbarlarga bayram tadbirlarini belgilangan tartibda o’tkazish hamda jamoat tartibini saqlash yuzasidan tegishli ko’rsatmalar berdi.
“Ramazon hayiti” arafasida 1-sektor hududida joylashgan ziyoratgohlarda olib borilgan obodonlashtirish ishlari ham tuman rahbari tomonidan o’rganildi. Tuman hokimi tomonidan mas'ullarga kelayotgan ziyoratchilarni belgilangan karantin tartib qoidalariga rioya qilishlarini ta'minlash yuzasidan tegishli topshiriqlar berildi.
Muborak “Ramazon hayiti” bayrami munosabati bilan “Ayollar daftari”ga kiritilgan kam ta'minlangan ehtiyojmand oilalar holidan xabar olinib, ularga oziq-ovqat mahsulotlari yetkazib berildi.
Tumanda faoliyat ko’rsatib kelayotgan fermer xo’jaliklari tomonidan 2021 yil hosili uchun ekilgan paxta va g’alla maydonlarida olib borilayotgan agrotexnik tadbirlarni bajarilishi yuzasidan amalga oshirilayotgan ishlar o’rganildi. Tuman hokimi tomonidan mas'ul korxona va tashkilot rahbarlariga 2021 yil hosili uchun ekilgan paxta va g’alla maydonlarida agrotexnik tadbirlarni uyushqoqlik bilan o’tkazish yuzasidan tegishli ko’rsatmalar berildi. Shuningdek, joylarda mexanizatorlarga yaratilgan shart-sharoitlar ham o’rganilib, paxta maydonlarida mehnat qilayotgan ishchi va mexanizatorlarga issiq ovqat hamda madaniy dam olishlari uchun qulay sharoitlar yaratish yuzasidan mas'ul rahbarlarga tegishli topshiriqlar berildi.
Tumanda faoliyat ko’rsatib kelayotgan fermer xo’jaliklari tomonidan 2021 yil hosili uchun ekilgan paxta maydonlarida olib borilayotgan agrotexnik tadbirlarni bajarilishi yuzasidan amalga oshirilayotgan ishlar o’rganildi. Tuman hokimi mas'ul korxona va tashkilot rahbarlariga 2021 yil hosili uchun ekilgan paxta maydonlarida agrotexnik tadbirlarni uyushqoqlik bilan o’tkazish yuzasidan tegishli ko’rsatmalar berdi.
Qo’shtepa tumani hokimligi Axborot xizmati.
