1. Bosh sahifa
2. Yangiliklar

“QUVNOQLAR VA ZUKKOLAR” KO’RIK-TANLOVI

×

Bugun Qo’shtepa tumanidagi Axborot kutubxona markazida 5 ta muhim tashabbus doirasida “Quvnoqlar va zukkolar” ko’rik-tanlovi tashkil etildi. Tanlovda tuman XTB tasarrufidagi 29, 33, 40-umumiy o’rta ta'lim maktabi o’quvchilaridan iborat jamoalar ishtirok etishdi.

Tanlovni tashkil etishdan asosiy maqsad mamlakatimizda o’quvchi-yoshlarning ijtimoiy-ma'naviy bilimlarini yanada mustahkamlash, iqtidorli yoshlarni aniqlash, jamiyat hayotidagi ijtimoiy faolligini oshirish hamda yoshlarni Vatanimiz, xalqimiz, milliy qadriyatlarimiz, tarixiy-ma'naviy merosimizga hurmat va sadoqatli qilib tarbiyalash, qolaversa, ularning bo’sh vaqtlarini mazmunli tashkil etishdan iboratdir.

Respublika Ma'naviyat va ma'rifat markazi Qo’shtepa tumani bo’linmasi, tuman XTB va Axborot kutubxona markazi hamkorligida tashkil etilgan bellashuvda o’quvchilar 4 ta shart bo’yicha o’zaro bellashdilar. Bellashuvda 40-umumiy o’rta ta'lim maktabining “Davr yoshlari” jamoasi birinchi o’rinni egalladilar. 

Tadbir yakunida g’olib jamoaning barcha ishtirokchilariga Respublika Ma'naviyat va ma'rifat markazi Qo’shtepa tumani bo’linmasi hamda tuman Axborot kutubxona markazining esdalik sovg’alari topshirildi.

Qo’shtepa tumani hokimligi Axborot xizmati.

Bizni ijtimoiy tarmoqlarda kuzating
Facebook, Telegram