1. Bosh sahifa
2. Yangiliklar

HASHAR ELGA YARASHAR

×

Bir necha kundan buyon Qo’shtepa tumanida obodonlashtirish va ko’kalamzorlashtirish oyligi bo’lib o’tmoqda. Oylik doirasida tumanimiz markazidan tortib qishloqlargacha, ishlab chiqarish korxonalaridan tortib dalalargacha, mahallalarda, ijtimoiy soha ob'ektlarida, korxona-tashkilotlar va muassasalarda obodonlashtirish va ko’kalamzorlashtirish ishlari amalga oshirilmoqda.

Amalga oshirilayotgan bunyodkorlik ishlarida har bir aholining dahldorlik hissini shakllantirish, xalqimiz orasida milliy qadryatlarimizga xos bo’lgan o’zaro mehr-oqibat va hamjihatlikni yanada kuchaytirish, mahallalar, aholi turar joylarini obodonlashtirish va ko’kalamzorlashtirish maqsadida tumanimizdagi barcha mahallalarda obodonlashtirish va ko’kalamzorlashtirish ishlari olib borilmoqda. 

Bugungi hashar ham ertalabdan boshlandi. Ariqlar tozalanib, daraxtlarga shakl berildi, oqlandi. Mavjud binolar atrofi, ko’chalar obodonlashtirildi. Har bir mahallada uyushqoqlik bilan o’tayotgan hasharda yosh-u qari ishtirok etmoqda.

Qo’shtepa tumani hokimligi Axborot xizmati.

Bizni ijtimoiy tarmoqlarda kuzating
Facebook, Telegram