1. Бош сахифа
2. Янгиликлар

Инвестицион лойиҳалар муҳокама этилди.

×

Ўзбекистон Республикаси президенти Шавкат Мирзиёев раислигида 26 июль куни хорижий инвестициялар иштирокидаги лойиҳаларни амалга ошириш, бу борадаги қолоқликларни бартараф этиш, сармояларни ўзлаштиришни жадаллаштириш масалаларига бағишланган видеоселектор йиғилиши бўлиб ўтди. Президентимиз томонидан берилган топшириқлар ва вазифалар ўз вақтида бажарилиши юзасидан 27 июль куни туман ҳокимлиги йиғилишлар залида туман ҳокими И.Новиков бошчилигида тегишли ташкилот раҳбарлари ва тадбиркорлар иштирокида йиғилиш бўлиб ўтди. Туман ҳокими давлат раҳбарининг “Инвестиция лойиҳалари, жумладан, тўғридан-тўғри инвестициялар иштирокидаги лойиҳаларни амалга оширишда олдимизга жуда катта марраларни қўймоқдамиз. Президент қарорлари билан бу борадаги барча тўсиқлар олиб ташланди. Энди бирон-бир баҳонага сабаб қолмади” деган сўзларини мазмун-моҳиятини йиғилиш қатнашчиларига тушунтииб ўтди. Йиғилишда кун тартибига қўйилган масала юзасидан лойиҳа ташаббускорлари билан суҳбат ўтказилди.  Суҳбат давомида туман ҳокими И.Новиков “Зироат бахт”, “Қувонч барор сервис”,  “Даври турсин”  МЖЧ лойиҳаларида белгиланган кредитларни ўз вақтида олишлари учун Халқ банки Қўштепа туман филиали ҳамда Агробанк Қўштепа туман филиали бошқарувчиларига аниқ топшириқлар берди.  Йиғилиш сўнгида хафтанинг ҳар жумаси  “Тадбиркорлар куни” этиб белгилаш ва шу куни тадбиркорларни қийнаб келаётган муаммоларини қонуний тартибда ҳал этишга келишиб олинди.