1. Бош сахифа
2. Янгиликлар

Республика ишчи гуруҳи аҳоли муаммоларини ҳал этмоқда

×

Шу кунларда Қўштепа туманида бўлиб турган Республика ишчи гуруҳи аъзолари томонидан турли йўналишларда ўрганишлар олиб борилмоқда. Шунингдек, аҳолини йиллар давомида қийнаб келаётган энг долзарб муаммолар ҳам ўрганилиб, ижроси назоратга олинмоқда.  

Жумладан, туманимизнинг чекка ҳудудларидан ҳисобланган “Катта бешкапа” маҳалласининг Янгиобод кўчасида яшовчи Насиба Болтабоева сектор раҳбарларига мурожаат қилиб, ўзи истиқомат қилаётган кўчадаги қўлбола таянчларни темир бетон таянчларга алмаштиришда амалий ёрдам сўраган эди.  

Фуқаронинг мурожаати ишчи гуруҳи томонидан ўрганилиб, ижобий ҳал этиш чоралари кўрилди. Насиба Болтабоева истиқомат қилаётган Янгиобод кўчасига туман электр таъминоти корхонаси томонидан қўлбола усулда ўрнатилган терак симёғочлар ўрнига 15 дона темир бетон таянч(столба)лари ўрнатиш учун амалий ишлар бошланди.