1. Бош сахифа
2. Янгиликлар

Қўштепа маҳаллаларида ободонлаштириш ишлари амалга оширилмоқда

×

Баҳор мавсуми кириб келаётганлиги муносабати билан, ўзбек халқининг миллий анъаналаридан бири бўлган ҳудудларни, қабристонларни ҳамда ариқ-зовурларни тозалаш, ободонлаштириш, кўчат ва дарахтларга шакл бериб буташ, оқлаш, бўш турган ерларга кўчат экиш ишлари амалга оширилади.

“Озодалик, сарамжон саришталик бор жойда барака бўлади” деб, боболаримиз бежизга айтишмаган. Шу боис жорий йилнинг 10-март кунига қадар Республикамизнинг барча ҳудудларида ҳар бир маҳаллаларда, кўчаларда, хонадонларда ҳафтанинг шанба ва якшанба кунлари “Умумхалқ ҳашарлари” ўтказиш белгиланган.

Шу муносабат билан дам олиш кунлари Қўштепа туманидаги барча маҳаллаларда ҳашар ташкил этилиб, ободонлаштириш, маҳалла қабристонларини, ариқ-зовурларни тозалаш, йўл ёқаларида қуриган дарахтлар ўрнига манзарали дарахтлар экиш, тадбиркорлик субъектларидан, аҳоли томонидан чиқарилаётган маиший чиқиндиларни тозалаш ишлари олиб борилди.