1. Бош сахифа
2. Янгиликлар

Хон атлас миллийлигимиз рамзи

×

Хон атлас - энг ёрқин ранглар табиат жилоси, гуллар тасвирини ўзида мужассам этган ўзбек миллий матоси ҳисобланади. Миллийлигимиз рамзи, фахри ва бувиларимиз сиймоси бўлган хонатлас барча аёл ва қизларимизга бирдек ярашади. Айниқса, бу либос оммавий кўринишда кийилса.

Атлас матолари ўзининг турфалиги, гўзаллиги, қадимийлиги ва бетакрорлиги билан неча асрларки, дунё аҳлини ҳайратга солиб келмоқда. Бундай матонинг ватани - Ўзбекистон ва у ер юзининг бошқа ҳеч қайси нуқтасида тайёрланмайди.

Ҳозирги кунда анъаналаримизга бўлган ҳурмат, миллийлигимизни улуғлашдек юксак ҳисларни ёшлар ўртасида янада кучайтириш мақсадида Қўштепа туманида "Хон атлас миллийлигимиз рамзи" шиори остида турли тадбирлар ташкил этилмоқда.

Ушбу тадбирлар доирасида “Пахтакор” МФЙ ҳудудидаги Орзу кўчасида яшовчи Озодахон Акбарова ўз иш жойида "Хон атлас миллийлигимиз рамзи" мавзусида семинар машғулоти ташкиллаб берди.