1. Бош сахифа
2. Янгиликлар

Қўштепа туманида 2 та МТТ болажонларга ўз эшикларини очди

×

Бугун Қўштепа туманида 2 та ДМТТ фойдаланишга топширилди. Тумандаги 30 ва 20-сонли давлат мактабгача таълим ташкилотларида инвестиция дастури асосида қурилиш таъмирлаш ишлари якунланиб, болажонларни ўз бағрига олди.

Жумладан, “Шомирза” маҳалласи ҳудудида жойлашган 30-ДМТТга замонавий 150-ўринли янги бино қурилиши учун 4,5 миллиард сўм маблағ ажратилган бўлса, “Шаҳартепа” маҳалласи ҳудудидаги 20-ДМТТга янги ошхона қуриш ҳамда мавжуд бинони реконструкция  қилиш ишларига 3,9 миллиард сўм маблағ ажратилди.

Барча шароитларга эга, кенг ва ёруғ хоналар, спорт ва мусиқа заллари, ўйин майдончаси, алоҳида овқатланиш хоналари, инновацион таълим беришга ихтисослашган жиҳозлар эндиликда кичкинтойларимизнинг порлоқ истиқболи учун хизмат қилади.

Муассасанинг очилиш маросимига бағишланган тадбирда туман ҳокими А.Абдуллаев ва сектор раҳбарлари, соҳа ходимлари, маҳалла фаоллари ҳамда кенг жамоатчилик вакиллари иштирок этиб, бу ердаги шарт-шароитлар билан яқиндан танишишди.

Шунингдек, тадбир давомида муассасаларнинг рамзий калитлари, қурувчиларга эса эсдалик совғалари ҳам топширилди.