1. Бош сахифа
2. Янгиликлар

Қўштепа туманидаги маҳаллаларда соғломлаштириш тадбирлари давом этмоқда

×

Аҳоли ўртасида соғлом турмуш тарзини тарғиб этиш ҳамда спортга бўлган қизиқишларини ортириш мақсадида маҳаллаларда турли спорт тадбирлари ўтказилмоқда.

Жумладан, “Истиқлол” маҳалла фуқаролар йиғини ҳудудида жойлашган Истиқлол маданият марказида маҳалладаги ёши улуғ нуронийлар ўртасида спортнинг стол тенниси, шахмат-шашка тури бўйича мусобақа ташкил этилди.

“Лойсон” маҳалласида эса маҳаллалараро футбол мусобақаси ўтказилди ва ғолиб жамоа маҳалла масъуллари томонидан рағбатлантирилди.

Шунингдек, тумандаги БЎСМда “Халқобод”, “Қоражийда”, “Хўжақишлоқ” ва “Истиқбол” маҳаллаларининг масъуллари ҳамда аҳоли иштирокида “Соғлом ҳаёт учун – 5000 қадам” оммавий юриш марафони, оммавий бадантарбия машғулотлари, қолаверса волейбол, шашка мусобақалари ўтказилди.