1. Бош сахифа
2. Янгиликлар

Жараён

×

Бугун Қўштепа тумани ҳокими А.Абдуллаев туман тиббиёт бирлашмасига қарашли марказий шифохонада ҳамда тез тиббий ёрдам бўлимида бўлди.

Туман тиббиёт бирлашмаси марказий шифохонасида бўлган туман раҳбари у ерда яратилган шарт-шароитлар ҳамда қиш мавсумини беталофат ўтказиш борасида амалга оширилаётган ишлар билан танишди.

“Ташаббусли бюджет” лойиҳасининг ўтган йилги биринчи мавсумида Республика тез тиббий ёрдам Фарғона ҳудудий филиали Қўштепа туман тез тиббий ёрдам бўлимига янги бино қуриш, таъмирлаш ва қуёш панели ўрнатиш билан боғлиқ ташаббуслари ғолиб деб топилган эди.

Ҳозирда қурилиш ва қайта таъмирлаш ишлари жадал суратларда олиб борилмоқда. Туман ҳокими ҳудудда олиб борилаётган ишлар билан ҳам танишди.

Ташриф давомида қиш мавсумида бино ва хоналарни мунтазам иссиқлик билан таъминлаш ҳамда тез ёрдам биносидаги мавжуд муаммоларни қисқа фурсат ичида якунлаб, халқ хизматига топшириш бўйича мутасаддиларга кўрсатмалар берилди.