1. Бош сахифа
2. Янгиликлар

Қўштепалик ёшлар фаолиятига бир назар

×

Сарҳисоб

Ўтган 2024 йилда “Беш ташаббус олимпиадаси” доирасида Қўштепа туманида 5ташаббус.уз сайти орқали электрон рўйхатдан ўтиб туман бўйича жами 39 582 нафар ёшлар олимпиада, танлов ва мусобақаларда қатнашиш учун рўйхатдан ўтди.

Жумладан, “Бўзатов ёшлар овози” вилоят босқичи танловида “Кўприкбоши”, “Соҳибкор”, “Ватан”, “Каттаболтакўл”, “Хўжақишлоқ” маҳаллаларининг ёшлари муносиб ишторок этдилар. Улардан “Каттаболтакўл” маҳалласининг иқтидорли ёшларидан бири Илҳомжон Муҳторов Республика босқичига йўлланмани қўлга киритди.

Бундан ташқари спортнинг футбол тури бўйича ДХХ кубоги мусобақасининг вилоят босқичида иштирок этган “Борот” маҳалласининг ёшлари фахрли 2- ўринни эгаллади.

Шунингдек, қўштепалик ёшларимиз “Беш ташаббус олимпиадаси” доирасида 6 та йўналиш бўйича Республика босқичига йўлланмани қўлга киритишди.

Шуни алоҳида таъкидлаш жоизки, ўтган йиллари “Беш ташаббус олимпиадаси”нинг Республика босқичида ғолиб бўлиб спорт майдончаси ютиб олган маҳалла ёшлари ҳам бор. Хусусан, 2022-2023 йилги мавсумларда туман бўйича жами 11 та спорт майдончаси ютиб олиниб, қуриб фойдаланишга топширилган. Бу кўрсаткич бўйича Қўштепа тумани Республикамиздаги 208 та туман ва шаҳарлар орасида 9-ўринда бормоқда.

Юқоридагилардан ташқари маҳалла ёшлар етакчилари ҳам вилоят ва Республика даражасида бир қатор ютуқларга эришдилар. Жумладан, “Етакчи спартакиядаси” доирасида ўтказилган 7 та мусобақадан 3 тасида Қўштепа тумани ёшлар етакчилари ғолиб бўлишиб, 19 та туман ва шаҳарлар ўртасида вилоятда 1-ўринни эгалладилар.

Шунингдек, вилоятдаги 1064 та маҳалла ёшлари орасидан 2 нафар ёшлар “Ўзбекистон ифтихори” кўкрак нишонига муносиб кўрилди ва “Хўжақишлоқ” маҳалласи ёшлар етакчиси Хамдамжон Маҳмудов “Ўзбекистон ифтихори” кўкрак нишонини олишга муяссар бўлди.